Poezio estas mia amo!

Gafur Gazizi

 Kun via animo mistera, lontana,
 min ligas fadeno de sento tenera
 kaj kuras laŭ ĝi el la koro infana
 kurento de mia animo sincera.
 
 Mi skribas al vi la leteron kun ĝojo
 ne nur por saluti vin per bona vorto,
 sed por inter ni estu ĉiam la vojo
 sur ponto liganta la bordon kun bordo.
 
 Mi volas ke nin en la mondo sensenta
 kunigu parolo de l’ koro al l’ koro.
 Ne venu al ni la soleco turmenta,
 ne ronĝu estinta aŭ nova doloro...
 
  Kun vi, mia kara amiko lontana,
 deziras mi loĝi la mondon unikan,
 kreitan de mia imago infana,
 kaj ĝui en ĝi la feliĉon amikan.